29 март куни Хоразм вилояти, Урганч шахрида ТТА Урганч филиалида Ўзбекистон Республикаси Президентининг 2017 йил 20 апрелдаги «Олий таълим тизимини янада ривожлантириш чора-тадбирлари тўғрисида»ги ПҚ-2909-сон қарори ижроси асосида ТТА офтальмология кафедраси ходимлари ташаббуси билан “Кўз аъзолари касалликларининг долзарб муаммолари” мавзусида амалий семинар бўлиб ўтди. Семинарда Тошкент тиббиёт академияси офтальмология кафедраси профессори Бахритдинова Ф.А. ва ҳодимлар иштирок этди.

Семинар ТТА Урганч филиалининг мажлислар залида ўтказилиб, тадбирга бу муассасанинг невролог, офтальмолог ва талабалар, кўз касалликлари бўйича хусусий шифохона офтальмологлари ҳамда умумий амалиёт шифокорлари таклиф этилди.

Семинар давомида ТТА офтальмология кафедраси профессори Бахритдинова Ф.А. «Глаукоманинг долзарб муаммолари», доцент Назирова С.Х. «Кўрув аъзоларининг яллиғланиш касалликлари»” ва доцент Нарзикулова К.И. «Умумий касалликларда кўрув аъзоларидаги ўзгаришлар» мазусидаги маърузалари билан иштирок этдилар. Маъруза давомида ТТА офтальмология кафедраси ва кўз касалликлари бўлимининг даволаш, ташхислашда эришилган ютуқлари ва узоқ йиллик тажрибаси хамда натижалари кўрсатилди.

Анжуман якунида офтальмологлар билан сухбатлар ўтказилди. Уларга амалий кўрсатмалар берилди. Бундан ташқари Урганч шахрида жойлашган хусусий кўз касалликлари шифохонасида мастер-класс ўтказилди.

Маърузачилар:
1. Профессор Бахритдинова Ф.А. «Глаукома»
2. Доцент Назирова С.Х. «Кўрув аъзоларининг яллиғланиш касалликлари»
3. Доцент Нарзикулова К.И. «Умумий касалликларда кўрув аъзоларидаги ўзгаришлар»